बिराटनगर महानगरका मेयर पदको एमालेको उमेद्वार बिनोद ढकालको संक्षिप्त जिबनी

Binod Dhakal

राजनीतिक तथा औद्योगिक नगरीको रुपमा परिचित विराटनगर महानगरपालिकामा नेकपा एमालेले जिल्ला अध्यक्ष विनोद ढकाललाई मेयरमा उठाउने निर्णय गरेको छ । लामो सकसपछि पार्टीले उम्मेद्वार चयनगरेपछि ढकालको चर्चा चुलिएको छ । एमालेवाट मेयरका आकाँक्षी अन्य भएपनि अन्तयमा ढकालले बाजी मार्नु भयो । वार्ड कमिटीदेखि सिफारीस हुँदै नगर, क्षेत्र, जिल्ला,प्रदेस र अन्तयमा एमाले स्थाई कमिटीले उम्मेद्वारको टुङ्गो लगाएको हो । लामो सयदेखि विराटनगको राजनितिमा सक्रिय ढकाल विषेशगरी विकासको भिजन भएको स्थानीय नेताको रुपमा चिनिनु हुन्छ भिजन भएका एमालेका नेता रुपमा चिनिने ढकालले आफु मेयर भएको अवस्थामा विराटनगरलाई स्मार्ट सिटी वनाउने योजनालाई साकार पर्ने वताउनु भयो । पार्टीले मलाई मेयरका उम्मेद्वारको रुपमा अघि सारेर भोलीका दिनमा मेयर भएर काम गर्ने जिम्वेवारी दिएको छ त्यसलाई आत्मासाथ गरी विराटनगरको आर्थिक र सामाजिक विकासको प्रत्यक्ष अनुभव नगरवासीले महशुस हुने उहाँले बताउनु भयो ।

 

याङ्पाङ्देखि मेयरको उम्मेद्वार सम्म

 

वि.स.२०२५ साल चैत्रमा भोजपुरको याङपाङमा जन्मिनु भएका ढकाल वि.स.२०४१ सालदेखि विराटनगरको राजनीतिमा सक्रिय हुनुहुन्छ । स्थानीय शारदा माविबाट एसएलसी उत्तीर्ण गरि विराटनगर आउनु भएका ढकालले वीएल सम्मको अध्ययन गर्नुभएको छ । एमाले अखिलको मोरङ जिल्ला अध्यक्ष हुँदै वि.स.२०५० सालमा संगठन विभाग प्रमुख हुनु भएका ढकाल वि.स.२०५५ सालमा केन्द्रिय उपाध्यक्ष सम्म हुनुभयो । वि.स. २०६६ र वि.स.२०७३ मा उहाँ निर्वाचित जिल्ला अध्यक्ष हुनु भयो । वि.स. २०६४ सालको संविधानसभा निर्वाचनमा पार्टीको पराजय भएपछि उहाँलाई जिल्लाको कार्यवहाक सचिवको जिम्मेवारी दिईएको थियो । २०७० सालमा आईपुग्दा एमालेले पुरानो शाख फर्काउन उहाँको योगदान भएको एमाले नेता तथा कार्यकर्ता बताँउछन् । भोजपुरको विकट गाउँबाट विराटनगर आउनु भएका ढकालले वि.स. २०४६ सालको जनआन्दोलनमा विराटनगरमा विद्यार्थीको तर्फबाट अग्रगामी भूमिका निर्वाह गर्नु भयो । २०६२-०६३ को जनआन्दोलनमा विराटनगरमा उहाँले अग्रमोर्चामा रहेर आन्दोलनको नेतृत्व गर्नु भयो । विराटनगरका हरेक आन्दोलनमा उहाँको महत्वपूर्ण भूमिका रह्यो । विराटनगरलाई महानगरपालिका बनाउने अभियानमा सवैभन्दा पहिले पार्टी भित्रबाट निर्णय गर्ने एमाले नै हो । यसमा पनि उहाँको योगदान महत्वपूर्ण छ । उहाँले उत्पादन गरेका सयौं नेताहरु अहिले स्थानीय तहमा उम्मेदवार बनेका छन् । कतिपय भने यसअघिको चुनावमा विजयी समेत भएका छन् । मोरङ जिल्लामा दुई पटक निर्वाचित पार्टी अध्यक्ष हुनुभएका ढकाल एमाले भित्र ‘भिजन’ भएका र सवैलाई मिलाएर लैजान सक्ने नेताका रुपमा परिचित हुनुहुन्छ ।

प्राथमिकता

भर्खरै बिराटनगर महानगरपालिका घोषणा भएको छ । नाममा घोषणा भएको बिराटनगर शहरलाई साच्चिँकै विकासको पूर्वाधारयुक्त शहर निर्माण गर्ने लक्ष्य राखेको ढकालको छबिराटनगरलाई बेरोजगार रहित सहर बनाउने र यसका लागि अत्याधुनिक औद्योगिक क्षेत्र निर्माण गर्ने मेरो प्राथमिकता रहन्छ । उहाँले भन्नु भयो यसकालागि निर्वाचित भएकै दिनबाट काम थाल्ने बताउनु भयो । बिराटनगर विमानस्थललाई क्षेत्रीय विमानस्थल बनाउने, ग्रेटर रिङरोड निर्माण गर्ने, क्लिन सिटी बनाउने, व्यवस्थित शहर, शिक्षा, स्वास्थ्यको हब बनाउने ढकालका योजना छन् । बिराटनगर एक नम्बर प्रदेशको आर्थिक मात्रै नभएर प्रशासनिक राजधानी पनि हो । उहाँले भन्नु भयो –‘एक नम्वर प्रदेशको राजधानी बिराटनगरलाई बनाउन पहल गर्नेछु ।’ यति मात्र हैन, अग्रणी औद्योगिक, व्यापारिक नगरका रुपमा मुलुककै नम्वर एक सिटीका रुपमा यसलाई विकास गर्ने मेरो लक्ष्य छ । बिराटनगरको रानीदेखि किमाथाङ्का नाकासम्मको सडक छिटै निर्माण सम्पन्न गरी चीन र भारतको व्यापारिक नाकाका रूपमा बिराटनगरलाई विकास गरी औद्योगिक नगरको पहिचानलाई अझ वढुवा दिने लक्ष्य रहने ढकालले सुनाउनु भयो । उहाँले बिराटनगर शहरको पूर्वमा केसलिया खोला र पश्चिममा सिगिंया खोलालाई व्यवस्थित गरी सिचाईंको प्रवन्ध गरी यस क्षेत्रमा अन्नबाली उत्पादनलाई टेवा पुर्याउने बताउनु भयो । त्यसैगरी बिराटनगर पौराणिक शहरका रुपमा परिचित छ । बिराटनगरको थप विकासका लागि बिराट राजाको दरबारलाई व्यवस्थित गरी धार्मिक पर्यटनको विकास गर्ने मेरो योजना छ । उहाँले भन्नु भयो –‘स्पस्ट योजनाका साथ हामीसँग काम गर्ने योजना छ त्यसैले निर्धक्क भोट दिनुहोस ।’Binod Dhakal.